Mercedes-Benz GLC

Bílaumboðið Askja leitaði til okkar til að framleiða auglýsingaherferð fyrir Mercedes-Benz GLE og GLC, sniðna að sjónvarpi, vef og samfélagsmiðlum. Meginmarkmiðið var að búa til sterkt sjónrænt efni sem skæri sig úr og gerði vörumerkið sýnilegra á samkeppnishörðum bílamarkaði hér á landi.

Í nálgun okkar lögðum við áherslu á skýra sjónræna stefnu sem virkaði jafn vel í sjónvarpi, á vef og á samfélagsmiðlum. Með því að setja gæði framleiðslunnar og fágað útlit í forgang skiluðum við herferð sem bar með sér sjálfstraust og glæsileika. Útkoman náði góðum árangri á öllum miðlum og setti sjónrænt viðmið sem síðar mátti sjá endurspeglast í herferðum annarra bílaumboða.